2010.2.2

        宝宝仲有个几月就要出来啦，妈妈同爸爸，仲有好多人都好期待宝宝噶来临。琴日去医院，医生居然问妈妈有无28周，晕，妈妈都已经33周啦。不过肚仔细唔代表宝宝细，只要宝宝一切正常，健康，咁肚仔细又有咩所谓。

        妈妈刚上怀上宝宝论坛，睇到个贴子《写给天堂宝宝的一封信》，妈妈几乎系喊住咁样睇完架。原来无医德噶医院可以咁样草菅人命架。可怜个个妈妈噶宝宝，就咁样胎死腹中。妈妈睇完之后真系既伤心又气愤啊！！对唔住啊，宝宝，妈妈噶心情又咁激动啦，我知道咁样对宝宝唔好噶，原谅妈妈。

        你爸爸话我一D都唔似其他孕妇，话我仲系咁轻盈，扎扎跳，又调皮。佢话一般噶孕妇到左呢个阶段应该行路好辛苦啦，扶住条腰行啦，个肚仔好大啦，咁样。可惜，我一样都无。之前你爸爸以为宝宝过细，好唔开心，不过照过B超知道宝宝一切正常，就无成日讲妈妈个肚仔几细几细之类。只系有时啰唆下点解人地个肚系我噶两倍啊，之类。

       仲有我一直担心噶纹纹，仲未系肚仔个度出现，最好就之后都唔好出现啦！！

       宝宝噶衫衫已经洗好啦，仲有D就系等人俾我地，随时等住宝宝噶来临！！！