就来2月份勒,再次睇翻你个blog,不胜唏嘘!你好似从来都无离开过咁,但系数数手指,原来你走左就来1年。今年系肇庆电台5周年啦,突然间谂起左《纸纸点点》,仲记得系你令我听肇庆电台,继而一发不可收拾。我亦系电台噶游戏节目个度收获良多,哈!
今年噶年初一,咁岩系2月14情人节啊,如果你仲系度,肯定会系blog个度有感而发遮。
系感情方面,我一直觉得你好伟大好无私,我唔明,点解有人好似你咁好,但系某些人就系唔识得珍惜呢?
如果你知道我个宝宝就来出世,一定会好开心遮。记得以前我仲咨询过你一D感情问题,依家嘅我,总算系有个着落啦。以前我觉得我同你系同病相怜,但系,其实你比我坚强好多。
依家我唔可以想喊就喊架啦,因为咁样对宝宝唔好。所以好少上你个blog,怕触景伤情罗,不过刚才情不自禁咁样又点左入去,睇翻你同佢嘅个篇日志,我又忍唔住喊左出来。
都话时间系最好噶良药,但系原来好多野唔系随住时间而转淡架,反而会越来越牵挂。
页面更新:2024-06-06