今年最后一张乐坛成绩表-------十大中文金曲,琴晚终于落下左帷幕。由于TVB封杀四大唱片公司噶歌手,令到今年嘅传媒大奖无咩悬念。我唔可以话唔公平,因为我好中意JOEY,JOEY罗呢个奖我当然开心。只系我觉得如果EASON唔系系劲歌个度食白果,可能就会同JOEY平分呢个奖,甚至今年都系佢罗。不过有好多野都唔可以控制嘅。
今年嘅十大中文,好似好平淡咁。琴晚最可惜嘅系我错过左金针奖嘅颁发。今年嘅得奖者系陈百强,我翻到屋企睇个时,佢爸爸已经代佢上台罗奖兼讲紧得奖感受啦,睇到台下面好多歌手同观众都眼湿湿咁,就知道缅怀陈百强噶片段应该系比较感人架,可惜我就错过左呢一段。
上一年嘅十大中文,讲真,我依家仲保存系电脑度,唔知点解,我觉得个届真系好感动到我。记得我上年一睇完就写左篇日志,真系感触良多。
不过今年最大嘅特色就系band队嘅回归,乐坛变得更加多元化。
好啦,就写到呢度啦。大家有时间可以睇下上年嘅十大中文同今年嘅有咩唔同噶!!
页面更新:2024-04-08