2010.2.5

         琴日又系产检噶日子啦，我当然会拉埋只猪陪我一齐去啦。我地去妈妈课堂听完课，就直接落楼产检。琴日产检噶人都比较多，所以我地都等左一段时间。宝宝已经33周啦，帮我听胎心噶医生系第一次见我，佢话我个肚比较细，又叫我补充营养。跟住我好无奈咁俾两个星期前个张B超单佢睇，佢就无讲咩啦。都话架啦，肚仔细唔代表宝宝细嘛。佢就系叫我呢一排要注意胎动，跟住两个星期后过来产检。

         琴晚睇今日关注，好似话广州有得睇IMAX版噶阿凡达，仲话依家社会分成两类人，一类系睇过阿凡达噶，一类系无睇过噶。好明显，我系属于后面个类，而且唔知点解呢部电影越炒作话票房点样点样（当然其实可能唔系炒作），我就越来越无兴趣。顶，我睇到个票价仲要120蚊咁多，而且卖咁贵仲有咁多人排队。。我心谂，如果戏院俾120蚊我去睇，我都未必去啦，仲要我自己出钱睇，弱智噶。

       我承认我呢一排都落后左，反而唔钟意睇所谓噶大片，什么2012，阿凡达，甚至到国产噶孔子，锦衣卫，都系无兴趣。近排睇完喜羊羊2，就期待紧花田喜事2010，仲有大侦探福尔摩斯。令我好郁闷噶系，我等左好耐噶矮仔多情，系肇庆噶影院居然无得上映，唉，广州就有。算啦，唯有以后上网睇翻啦。

        over啦~~