2010-11-21宝宝运动会---无图有真相

         今日早上，我同宝贝猪带左钰羲去参加宝宝运动会。因为钰羲只系得8个月，所以我只系帮佢报左宝宝爬行大赛（PS：佢唔识爬，只系识得扶住行,所以我帮佢报爬行大赛都无抱咩希望，当系玩下咁样。）

       由于我地比较迟去，就来10点钟先去到，所以钰羲排到第六组比赛，64号。据我地观察，钰羲系爬行比赛里面最细嘅BB之一（睇过好多份报名表，都系比佢大，未发现比佢细嘅）。

        睇D宝宝爬行真系好开心，有D明明爬得好快嘅就钟意打横来爬，有D就一面饮奶奶一面爬，有D就一面喊一面爬。终于到第六组拉。钰羲系第四道（一组6个BB比赛）。我系前面罗张纸引佢向前爬，宝贝猪就负责拍低钰羲。比赛开始啦，发现钰羲真系唔识得爬架，成个身系咁向前挪就得，好似一条虫仔咁样。我觉得好似爬左好耐咁，钰羲先差唔多到终点，好似系同旁边嘅姐姐系并列第六（呃.....)

        比完赛，我谂住睇翻刚才嘅视频，点知个宝贝猪话唔记得按钮，所以无拍到，有无搞错啊，真系蠢猪来架，钰羲咁重要嘅时刻都可以唔记得按钮。

         不过对于唔识得爬嘅钰羲来讲，我觉得今日已经好叻架拉。当带佢出去见识下罗。