2010.11.25

          琴日下午妈妈搭我去考摩托车路试，路途真系太遥远啦，D风吹到我块面都就来僵晒。

          去到个度已经4点2啦，因为我笔试同路试嘅时间相隔比较远，所以要自己抽档过去考路试。原本帮我抽档个工作人员话叫我下个星期先过来，但系妈妈同佢讲话我地开车好远过来，加上我身体关系唔系好适合坐咁耐摩托车。个工作人员

见我地讲到咁，就帮我地打电话问下睇下仲收唔收档。好彩仲收咋。我地开车过到路试地点，见到个度好多人排队。我好紧张啊，见到好多人都唔合格要补考。我真系一D信心都无啊，要开得咁慢过桩，仲要脚唔可以落地。我谂住我都要补考架拉。

         其实真系唔系等左好耐，就轮到我考啦。系我前面考个两个都要补考，令到我更加紧张，唉，无办法啦，顶硬上。  

         兜桩个时我就系谂住慢慢，一定要慢，仲要脚唔可以落地。噢，点知比我一次通过左喔，真系超兴奋激动啊！！连妈妈都话我好叻啊！！

         好开心啊，20日之后就有驾驶证罗啦！！