2010.2.7

        琴日去上孕妇班，教授叫关于宝宝早教嘅问题。我发现我依家真系好钟意听呢D班，觉得受益良多，本笔记本都记得厚厚的。教授话依家早教应该从0岁开始，又话唔好成日灌输宝宝所谓噶儿童语言。好似饮水水啦之类噶，自己觉得好得意噶语言，但系其实咁样对宝宝唔好，应该用正常噶语言同宝宝讲野。呢D叫先入为主喔，以后理解都比较容易。

        跟住又有提到音乐胎教，呢两日我都有听个D所谓噶胎教音乐，不过我感觉系呢一方面，我系三天打鱼两天晒网噶。我谂，反正佢出世我都会教佢唱歌架啦，真系唔想日日都听D咁无聊，听到我想训觉噶胎教音乐啊。

        琴日仲系婆婆噶生日，我地当然系全家出动啦，今年系只猪第一次出席，婆婆好开心啊。我同只猪夹份买左个生日蛋糕俾婆婆，婆婆笑到见牙唔见眼啊！！

 

PS：强烈BS卖电池俾我噶个间小卖铺嘅老板。我同只猪食饭之前去买相机电池，谂住买4粒，跟住去食饭附近个间小卖铺买，点知个老板比左4个散装噶我地，话系之前卖剩噶，跟住只猪话唔系无电加嘛，个老板话放心啦，肯定有噶。好，比左钱，我之前系间小卖铺个度试电池，前两粒放左入去，开唔到机，好，我以为我放错，仔细睇过，无。于是再试一次，都系唔得。再试另外两粒，都系同样噶情况。咁我就同个老板讲，试过4粒都唔得喔。跟住佢就话，哦，咁换另一种啦（换左有包装噶，2蚊一粒噶俾我地），咁我地就要左两粒，试过，得。于是个老板就开始解释话之前个种一蚊一粒唔够力开唔到相机架，一般个D都系放入闹钟噶。我无出到声，唔想同佢系度拖时间。我地出左小卖铺之后，我同只猪讲，摆明个4粒电池就系无电架啦，真系当我地系lulu啊，我以前买5毫子一粒个D都可以用到一段时间，依家一蚊一粒居然就连机都开唔到，分明就系想坤我地啦。好彩我即场试下咋。真系谂起就把几火！！！强烈BS无良商人！！！