点解开Qzone？

    点解会开Qzone？点解不停有人开Qzone？好似从来无谂过呢个问题……不过呢排，好多识得既人都开Qzone，其中好几个，有共性噶！
    识得好几个人，一直都唔玩Qzone，有D甚至话觉得好无聊添……但当感情出现问题解决唔到，就纷纷开Qzone……开zone写野成为一个发泄既渠道。er……其实呢个都系我当初开Qzone既原因，哈哈！

    不过呢……我想讲……所谓发泄，系米真系净系想发泄呢？亦或系心里面其实更多系希望某个人想见到你Qzone里面写既野呢？可惜好多时事与愿违，果个人唔会去睇

    有班F，系我最痛苦果段时间撑住我，系我茶饭不思，仿似行尸走肉果段日子陪住我，系我接近自闭果个边缘拉我出去到处走到出逛，所以我被拯救了~~ 感谢神明既主…… 所以，呢家，当呢班F其中任何一个唔开心，我都会撑到横噶！虽然唔可以实时实地，但心意到噶嘛！而且只香茜饺呢家仲学人玩埋Qzone添！有网络，够晒方便啦！

    如果身边有人平时唔玩Qzone，甚至系不屑玩Qzone既突然开始玩Qzone，感作为朋友，就要开始留意呢个人既一举一动啦！米先有可能呢个人系任何人都唔注意既时候变佐做个自闭仔自闭女噶！

    果D我所认识近排玩Qzone既人，希望可以早日雨过天晴啦，系你就系你既，点fing都fing唔甩，唔系你既，强求都无用噶~~ 有人已经开始睇开佐，有人仲系度执着中……顺其自然啦