曾经四川

    5。12大地震后，网上见到好多新闻，图片，满目沧痍……虽然对我所认识既个别四川人有所意见，但四川始终系一个好靓既地方。几年前去四川，印象好深刻，仲经常话：得闲，要去多次！ 唔知以后再去，仲有无机会见翻之前一切美好既野。

    “蜀路难，难于上青天”，救援工作受阻碍，好大部分原因，系当地地形。具体地形我唔识分析，但就我旅游经过既地方，就已经好深刻体会到如何难于上青天。

    旅游果阵经过一个小镇，当时小镇刚被毁无耐，因为半夜一场泥石流！几年后今日，小镇可能刚重新初步休整好，但一个大地震……

    九寨沟，靓到好难用语言去形容，但听讲地震中有唔少路面震裂，亦有唔少山石跌落。仲有我曾经去过既黄龙，海螺沟，同四姑娘山（听讲，呢次大地震就系四姑娘山脚下，但我唔知消息是否属实，我无地理概念……）

    淳朴既藏宅，令我印象最深刻既经历之一。入到去当地藏民住既地方，去距地屋企参观，接受距地招待，仲摘距地D青苹果食，系果度影佐好多相。屹立山腰既藏宅，感觉好似一座座小城，或者系高傲既城堡。呢家……可能已移为平地

    茂县，今次重灾区之一，我曾经系果度逗留过一晚。一个好偏僻既县城，开佐成日车，终于系半夜12点几先到达茂县。果度无咩旅游点，我地半夜到步，食完夜，就去觉猪，第二日一早起身食完早餐就上旅游车出发，但果度系一个好山青水秀既地方。虽然仲夏，但晚黑气温好舒适，好似开空调感样！最记得当晚刚到步，好热，系旅店想开空调，点知越开越热，叫服务员过黎帮手，服务员竟然话“这里只有暖气，没冷气。晚上不需要冷气，需要棉被可以跟我们说一声”。而且，系茂县，我见到四川旅程中所见到，同时也系我感大个人到呢家为止见到最靓既一头牦牛：好神圣既纯白色！好长既眼睫毛，全身纯白，距就感企系度，望住我，我已经被距慑服……

    除佐茂县，仲有好多呢次受灾地区我都经过，例如成都，都江堰，甘孜州，大坝州，卧龙……每到一处，都觉得好靓，好宁静，好闲逸

    回忆中既四川……短时间内睇怕都无可能恢复旧貌。希望将来，新颜胜旧貌