今周系第36周啦,又系时候产检。不过今次仲要做埋胎儿监测,医生话系由36周开始做,一个星期一次。
今朝胎监做左半个钟,得出嘅结果唔系好理想。医生睇左报告话宝宝郁得比较小,可能有缺氧噶可能。咁我米话宝宝早上系郁得少D噶,晚上先系佢嘅活跃期。不过为左以防万一,医生开左针俾我吊,话改善下供氧环境,又开左半个钟吸氧,医生话下午继续做一次胎监睇下有无改善。跟住帮我做产检个时又话我肚仔细,唉,都听惯架啦。
嘻嘻,其实我想讲我做咁多野都唔使100蚊,真系出乎我同宝贝猪嘅预料啊!今朝全程都有宝贝猪嘅陪伴,真系多谢晒佢啊!!刚才又去做左一次胎监,今次宝宝嘅情况好好,唉,我都话架啦,只系佢早上比较懒,郁得少遮,食饱左就会好活泼架啦!!
离预产期越来越近啦,我同宝贝猪都好期待宝宝嘅来临!宝宝,我地好爱你啊!!
页面更新:2024-03-26