2011年12月20日 极品男

唔记得边一日过香港，好似系10号啊
同某个败家女去LV店买包包
原来香港尖沙嘴果一带既奢侈品牌店，真系全部都要排除先可以入去架
LV包包系LV店入面又真系几靓架，不过出左间店无左D灯光陪衬之后，一个字形容：“切”
所以某个败家女买左个7千蚊既包包之后，宜家讲唔钟意
我有7千蚊，我宁愿过香港买几车漫画返来一日最少逼自己睇30本漫画，逼到自己痛苦到哭啦。
 
过完尖沙嘴，跟住我地去左旺角
旺角系我唯一试过一个人去，一个人返既地方，证明我对旺角都几熟架。
去亲旺角食野同买野厘D必做既，无咩好讲。
但今次遇到个极品男就真系唔可以唔提哦。
 
话说果日我同连姐姐两个人行完街（我地只系两个人去），就去买盒牛杂结束今次既香港之旅准备返深圳
系食牛杂既地方，有个男人系度不停甘用普通话闹紧个女人：
“你什么都不会做，做饭你又会，洗衣服（唔记得系唔系洗衫，总之就系家务啦）你又不会，吃个东西还食成这样”
“现在全部人都在看着你，你丢不丢人”
因为我去左买牛杂，我听到既只系甘多
系条街度非一般大声甘闹哦，个女既就系墨墨甘食紧牛杂。
系我俾人甘闹啊，我就走啦。虽然我唔识闹交，但我玩冷战好厉害！（特别系玩绝交）

系条大街甘闹法哦，无论个女仔做错D咩，细细声闹都算啦，
成条街都听到都唔知个女人丢架还是你丢架。
唔识做家务又唔系厘一日先知，唔钟意就分手罗，洗唔洗开开心心游香港既时候你拿出来闹啊
（死了，我做家务都好差架哦，会唔会成为以后手分理由呢？）
（其实同我系一起都几好啊，连分手理由都帮他想好）
系条街度都可以系甘既态度，系屋企既时候就更加唔洗讲啦。
一D都唔识尊重女人既男人啊，几有钱都无用啦，个个月家用都唔够拿去睇心理医生啊
 
神啊~~请让厘种男人离我十万八里吧。
虽然话识多一个朋友都无坏，但系觉得厘种人出现系我生命里面，无论系朋友、情人、亲人或者远房
甚至好似厘次只系一个路人角色，我都觉得他既出现系我人生既污点。
当然啦，我既人生污点数落都唔少，例如好似识到某个败家女十几年甘
但系我自己制造既污点，同其他人对我既人生制造既污点，意义唔一样架嘛！