2011年02月19日 本小姐又要开始写小说啦

因为我想试下系丽江坐在露天咖啡室写小说既感觉
于是本小姐急急忙忙甘准备开始写小说。
 
系，我知，我知唔系第一次写小说
我知次次写小说都无完结过
但系灵感来左，就想写架啦
虽然我唔知我既灵感可以保持到几日
 
好啦，讲个真实既原因俾你地知
因为我屋企楼下既中信开始每年两次既“10元日”
买笔一向都系我既兴趣
10元哦，甘平，于是我就买左两套共8支6种颜色既笔。
我宜家又唔读书罗，甘多笔买来都唔知有咩用
甘就拿来写小说罗。
 
讲起我屋企楼下既“10元日”
D野真系超级无敌平，不过一次都买左2百几蚊。
系大家乐食左个早餐，跟住一手拎住袋日用品，一手拿住两抽纸巾返屋企
真系好有居家既感觉。
可惜无人寄信俾我，如果唔系一手拎住袋日用品，一手拿住两抽纸巾再去开信箱
感觉仲加好啊。
 
如果下一年我无俾人踢走，仲可以一个人住既话
我就去订返一年既《悦已》同《0755消费》
甘我个邮箱个个星期都有野拿罗。
 
其实甘样霸住人地间屋，系唔系无甘好呢？
但系自己又无钱买楼，老豆明明有间屋宁愿空系度都唔俾我住。
话咩等我结左婚先俾我，其实我都明老豆怕我唔肯结婚
但唔俾层楼我一个人住，等我住到觉得寂寞，觉得空虚，就会想拍拖架啦
再讲啊，如果为左层楼结婚，甘同为左钱结婚有咩分别啊？