2012年02月18日 属于深圳既休闲

星期六，唔洗返工，奇迹甘系早上10钟准时起床。
原因就系我屋企楼下既大家乐早餐只供应10点到11点一个小时
好钟意食大家乐既美式火腿芝士三文治。
不过我今日无点厘个套餐，而系点左美式煎蛋餐肉肠仔套餐
味道唔错，但系唔够芝士三文治好味，因为我太爱芝士啦！
听闻芝士加上合味道杯面超好味，不过芝士太贵啦，所以一直都无试过。
等到有一日发起神经既时候，就买返包芝士返来试下。
 
系大家乐食完早餐，就坐系店入面玩我部I pad，感觉超休闲。
想过休闲既生活，其实睇自己既心情，
唔一定要过丽江先可以找到自己想要生活。（死啦，我觉得我既3月丽江之旅又去唔成啦）
唔计其它，机票加上住宿，三四千蚊系深圳用一个星期，一日三餐系咖啡店食都得啦。
 
不过自己甘大个女都未出过远门，真系要出去行下见识下都好啊。
反正丽江既客栈又定好房罗，如果今次玩得唔好，甘下一年既年假就留返系深圳败家罗
唔知我可唔可以自己找到间客栈呢？束河既客栈好似都系几偏僻下。
最担心就系听闻缅甸D人走左过云南避难，虽然我都系过云南避难
但系有起咩事上来，我唔够人地恶既哦。
劫色都算啦，你唔好搞我D钱。无钱我返唔到深圳架。
 
虽然订好房，但系机票又未买
我都唔明点解我买机票可以好似人地买股票甘。
前两日睇都深圳到昆明既机票都系3百几，宜家要6百几哦。
再加上昆明到丽江既火车钱，我不如直接坐深圳到丽江既飞机。
但系我想坐火车，要坐过火车先叫旅行既嘛。
人地高木直子去旅行都系坐火车既。
 
除非左丽江，我仲有好多地方想去
想去杭州住河边既屋啦，想去河南睇下传说中有展昭既开封府啦
想去厦门鼓浪屿睇下全岛仅有既三部车啦。
仲想去香港住几日，次次过香港都系当日来回，
唯一住过一晚既一次就系睇李克勤演唱会太夜无车返，于是住系红馆附近
红馆附近有4间宾仪馆，我好荣幸甘就住系4间宾仪馆中间
香港既酒店唔系非一般甘细得来又唔系非一般甘贵
本来想话安排下找间好D既酒店渡下系假，住两日都好啊
但系最近内地同香港矛盾甘大，我都唔想过去啦。
 
系，内地人就好似暴发户甘，一D观念同素质可能系未跟得上经济上既发展
但系厘个问题解决系需要时间既哦，唔可以一下就要求人地改变生活方式同思想。
上次既地铁事件，个小朋友都道歉啦，个哥哥仔仲洗唔洗下下逼到实。
一D落台既位都唔俾个妈妈，按内地人既性格明道自己错，但都只好同你撑到底。
大家好言好语，个妈妈就会道歉架啦。
 
仲有个内地女子强闯E道既视频，我唔道前因后果
只知道个视频一开始放就系个女子系度闹，前因你又唔拍，净系放个最敏感既地方俾人睇。
我知你地系香港人，但香港人难道唔系中国人？
97之后你地系中国人，就算97之前你地都系中国人？
难道你地一直以为自己系英国籍？