眨眼成个月无写日志...咁耐无更新我都觉得好唔正常!
唔系忙到连写日志嘅时间都无~系唔知写乜好...喺边度写起好...
本嚟前几日,可以好安心咁等待16,17号嘅到嚟,排定休息翻下沙坪...
点知...好景易逝!
10号晚,经理阿Sam叫我11号去新市上班,你#$^&(!~...
即时咩表情都无~
行内都知~一间新市店,一间中华广场店,都系无人愿去上班嘅~因为个店长都好变态~~
新市个女经理,逼走佢自己708几个员工不单止,就连2个喺太阳城做嘅,过到去都俾佢逼走咗>.<
人生啊~点解系我?
鬼叫人穷,顶硬上——一直有留意翻揾工嘅嘢~
其实我想喺Watsons做落去,不过极度唔想喺新市咯~
喺新市见到所谓嘅大场面,礼拜六日,每条收银line起码有6-7人排队,而且可以喺下昼2点一直持续到5点都咁旺...
好在,我完全应付到嚟~游刃有余...
突然间,好想翻世贸,每一日,可以见到友谊啲靓女姐姐,唔使讲普通话,又可以日日讲下英文...
我一直谂:打工可以好辛苦,可以做到好攰,不过最紧要开心,过到自己嗰关...如果再喺新市,我会一直唔开心~!
呢排啲天气,实在...
北风冻,南风潮,令人憎嘅春天...
礼拜6,又有好多人为咗公务员搏命啦...不过依然唔直接关我事~~
睇住一个个换沙坪嘅手机num,有几多人会留喺广州呢?!
为咗天热嘅可爱多,哈根达斯,要努力赚部海尔翻嚟...
点解IKEA啲公仔好似从来都无特价过?!
@滨江西#解放桥...次次行海珠桥,我都脚仔软...
我中意嘅芫茜...
竹丝鸡人参汤...
一个人嘅晚餐...
无钱买果粒橙,搞到咁...
金逸太阳城店,终于睇咗全广州唯一3D双机播放,390座...临落画搞特价,会员廿蚊...
最衰系补戏,早知唔喺电脑睇咗先...睇过3D,真系好想过下IMAX瘾!
今朝切猪肉...超耐无犯呢啲低级失误了...
What a crazy girl...
页面更新:2024-03-01
本站资料均由网友自行发布提供,仅用于学习交流。如有版权问题,请与我联系,QQ:4156828
© CopyRight 2008-2024 All Rights Reserved. Powered By bs178.com 闽ICP备11008920号-3
闽公网安备35020302034844号