天怒人怨

天气

不得不提,呢几日冻到乜咁...个温度计见过得7 ...平时室内得10 !

我带伞出去,个天就唔落雨;偏偏我唔带,就落雨,我可以点??

 

公事

2月18号系新一期sell嘅开sell时间,

Watsons每3个礼拜就要将啲促销货转一转,将旧嘅下架,摆新品上架!

今期,我觉得无乜特别抵买嘅嘢!

so每次转sell系一个月最唔得闲嘅时间~~其实习惯咗就觉得无乜嘢,反正新店开张仲辛苦!

but,今日区域经理,大区经理过嚟巡场......

规矩啦,由上而下一路闹,唔通赞咩~~~

打工系咁咖啦~~我又唔系第一次俾老细闹~~居然第一句就话我头发长~~~咪逼我剪一中个短发俾你睇!

忍下去,宜家你系我head,我系嚟学嘢,唔系嚟顶颈,我低声下气......无论点,上头up你都点头!

一个住祈福新村2期,一个住珠江帝景,我记住啦,月薪系我年薪倍数~~

 

私事

前晚开始,住家呢度就"发瘟"起身...无自来水!

貌似周围几栋楼都咁~适逢过年期间,好多人都未上班,到宜家为止,问题仲未解决~

我喺沙坪住咗十几年都无试过咁...听日初七就系国家规定嘅上班日期啦~~~!!!

抓狂爆啦~~

放心,无得煮食,但,我系有冲凉di~

 

希望,否极泰来~~~

礼拜六日双休,原本打算呢2日先翻沙坪嘅~

EQ仲顶得算,唔好将工作情绪带翻屋企,唔好将自己情绪带翻铺头~

有时真系想翻工,起码商场唔会咁冻,有免费屈臣氏蒸馏水饮...