我签到了

    今日好开心，因为我终于都签到了，我等左甘耐又惊左甘耐的事终于都尘埃落定了。本身上午都唔想去的，因为真系有D怕会唔得，同我一起签个个女仔琴日下午就已经挪左了，拒唔得啊，仲要话比我知好多人都唔得，得的无几个啊，吓倒我琴晚基本上都无训过。
    今朝一早中介就打电话来叫我过去挪结果了，其实又真系好忐忑不安，想拖得就拖，但系~~~~~~~~~始终都要我面对嘎拉，所以就“兵来将挡，水来土掩”，死就死啦，我即刻过去。
    点知仲早到左啊，搞到我仲要向M记坐，消磨时间，仲要食左个新的“脆鸡”（好鬼难食先系重点啊），点知上到去，个大使又唔迟到了哦，搞到我排左好耐队啊，阴功（上次班也迟左成个钟啊）！
    等果时好在有个人都几好倾，我先无甘紧张.......我终于都入去了。我挪的过程好快，就系好似买也甘，我递也过去，据就递反也出来比我，甘我就走得了（之前等左成个钟）。最好笑的系，我挪住个
passport竟然唔知到自己得唔得。甘我米挪住行到门口罗，见到个熟人想打声招呼，又比个“仗人势”的保安叫我走，我米问“其实我得唔得嘎？”点知个保安竟然唔多耐烦甘话“得拉，都话visa系签证罗，上面米写住罗......”吓？查实我都有D茫然。虽然知道拒“经验丰富”，但系......好似又“快”左D哦。
    向电梯度又见到个靓女哦，拒刚刚排向我前面的，我就问拒“请问一下我是拒签还是能签？”根主个靓女就话“可以拉”刚好电梯到，我就走出去啦，个靓女仲要补多句“你好幸运哦，你签了3个月”....
    天啊！我实在太兴奋了，我几乎想即刻话比全世界知啊，当然我都系打左电话比中介先，中介个小姐话我声音都已经高左八度了，我真系好兴奋，即刻“扬手即停”过中介度，因为我惊自己会兴奋过度整唔见D材料，更加但心的系我真系会向环市东上面跳舞......