忙碌的一天

今日真喺好鬼忙啊，搞到依家打紧字都觉得眼训...不过好耐都未试过咁早训噜...

入正题啦：今日我地开院运会，搞到6点几就俾人嘈醒咗去参加开幕式，难为我都唔记得上次咁早起身喺几时啦...跟住个开幕式又搞咗成两个钟，我都唔明点解可以搞咁耐噶...搞嚟搞去都喺咁噶啦，唉~~~然后就翻咗宿舍抖抖啦，换衫准备第一个项目。
我11点去体育场霖住好快可以跑噶啦，点知等下等下等到12点几先开始4*400接力...足足迟咗成个钟啊！！不过好在我同咸湿文，癫勤，小儒跑咗个第二翻嚟，都算值得~~跑完食完饭，连D饭都未落隔，又要开始跑1500啦，天啊！！好！几大就几大，沙蟹就沙蟹啦！为咗我条盲肠，我宁愿摞包尾噶遮！点知，咁都俾我超咗两个喔.唉~冇得摞“第一”添...呢次跑得轻松咯，感觉仲简单过朝早跑400喔
翻宿舍冲咗个凉，睇完我地班跑4*100，我又马不停蹄咁赶去搭车，要去到农讲所果边食饭，庆祝我嬷嬷生日。由于实在太攰啦，喺车上训咗，同喺课室训一样咁舒服~~
食完饭翻到宿舍已经成11点啦...不过仲有大把功课等紧我啊！人生啊！唯有听日做啦，训觉~~