生死一线2！！

今日又发生咗一件好可怕噶事！点解用又？因为年几前发生噶事同呢次差唔多，喺地点唔同遮

 

话说因为寻晚落雨噶关系，我将翻学噶计划推迟到今朝。唔知喺呢排唔惯咁早起身，定早餐食错嘢，定抑或喺最近噶肠胃的确有D问题，喺出门口果时我已经feel到下个肚有D嘢到，不过后尾又冇咩嘢，咁咪走咯...点知等车果时肚又开始痛啦...咁啱有部86埋站，咁都上噶啦。啱啱上车，一个站都未行到，一年前噶感觉又翻嚟啦！！又喺咁肚痛，又喺对眼黑晒睇唔到嘢……冇办法，唯有泊住碌柱做柱男咯...痛咗一阵，都唔知去到边，见有个位就坐噶啦...意识模糊之中，我感觉我已经飚晒冷汗啦！好在去到瀛洲果时我已经恢复翻意识啦，如果唔喺我惊翻唔到嚟添啊...

 

2010年，唔知喺咪流年不利啦，前三日就衰咗三日...第一日三剑客锄大地，我输咗60+个俯卧撑；第二日，霖住去踢波噶，点知又去唔成；第三日仲衰，肚痛到想死...虽然话人生不如意事十常一二遮，都唔使咁密噶...依家衰唔紧要，不过衰到10号好啦！天啊，记得睇在我咁黑噶份上，俾我全部过关啊！佛祖保佑~~哈利路亚~~