距话我幼稚~~

    距话我幼稚，第一次话我幼稚……系我真的幼稚定系我睇野睇得太简单啦？我地相识计落都有好长一段时间啦……唔知乜时候开始我地就无话不谈，系我地之间可以讲话已经唔再有秘密。不过，你既一句“幼稚”提醒左我，我地始终存在唔同既世界观。无论做人做事，我地都有各自既睇法。
    系某一问题上，我唔想再同你抓定主意，可以讲话——唔敢帮你抓主意！因为系你心入边其实都冇底，我好惊有朝一日你会后悔……系你眼中，我系幼稚，但我有自己既睇法：
                有一种爱是责任
                即使想放弃
                却不能放弃
                有一种爱是浪漫　
                即使想拥有
                却不得不放弃
    路就摆系你面前，你自己想点？我真系希望你认真考虑清楚……人总系有哩样个样既矛盾，生活原本就如此……同时亦存在住好多既无奈，就象一个人，正系度食紧发霉既面包，自言自语甘对自己讲：我以后点都唔会再食甘样既面包！但系下次依然食发霉既面包，却同自己讲别无选择。既然有左决定，就无谓再霖太多既哩样个样！！
    你依家比我既感觉就系：一开始就决定得糊里糊涂，想回头却又担心唔知点结束。硬系就办晒好唔在乎，但就比任何人都清楚——其实我在乎！你既笑隐约透露住后悔，开心既背后隐藏住深深既痛楚。表面坚强甘做到好绝，然后偷偷甘发讯息比人，偷偷甘为距流泪……
既然系甘，就何必选择放弃？不如学我甘，大大咧咧甘傻一次！！虽则痛，但我都痛得彻底！好过依家甘隐隐作痛啦……俗话讲得好：长痛不如短痛！而你应该加多一句：短信不如断信！
    我系米幼稚，我已经唔在乎啦……即使你再成熟，再精明能干，甘有点？正因为你既成熟、精明能干迫使你睇野不得不从多角度去考虑，无形之中又增加左自己既压力和烦恼！特别系面对d冇固定答案既野！！唉……面对住感情，或者“我幼稚我快乐我（我讲既）”！
事事黎一个干净利落实在太……（我都唔知点形容啦），做人有时真系要“难得糊涂”！！
    之前有个朋友失恋，我同距讲过，依家修改下就好适合你啦：
                  或者大家有太多既无奈
                  或者大家认为自己太幼稚
                  又或者大家冇任何既理由
                  但,大家通常会好任性甘将冇理由也当作一种选择
                  呵呵,就甘样大家傻傻甘放弃左
                  然而
                  每次夜深人静既时候
                  你就无法再骗自己
                  因为系你心底仍然在住牵挂
                  仍在祝福着
                  就好似你当初无数次话比自己知：:
                  因为分开，我地都会过得好好
     唉，一个无知少女，遇着一个幼稚傻佬！系我幸运，定系距厄运？系选择我哩种“难得糊涂”，定系以距个种成熟观去面对？就睇你如何选择啦……哈哈哈哈哈哈哈哈哈哈哈哈哈……