又老一岁

22岁噜，唔经唔觉又过左一年，又大一岁要听听话话啦~
22，真系一个特别嘅年龄，过左今日之后就有资格去领结婚证添~人生亦都行左接近四分之一了，好多感概，亦都好多收获~
原本打算今年生日自己一个喺屋企过算咖啦，点知仲有甘多好朋友记得我生日~多谢晒大家~你地系我最珍贵嘅宝库~
首先多谢嘅系jojo，你系第一个送礼物比我嘅人，搞到人地提前开心左成个几星期~你嘅礼物系我最中意最珍贵嘅……永远都系……
之后就系提前一晚就拉左我出去嘅肥仔同良叔叔~陪我度过12点，一直倾到第二日4点几~多年嘅友情无论经过几耐相信都唔会变
敏芝你系最出乎意外嘅，竟然第一个发信息过来嘅系你，吓左我一跳~精神上比个飞吻你拉~
训到懵下懵下嘅时候电话响……死狗竟然话请我去唱K！惊喜得我啊~点知系2蚊房费任唱……不过都好，起码你有我心~临急临忙拉埋老枝良叔叔同yiko众由3点唱到9点……会合大春之后竟然仲有精力去宵夜饮野~佩服大家嘅毅力……多谢大家百闲中抽出时间过来陪我~另外仲有唔喺东莞嘅一班老友，下年再约你地啦~老狗嘅礼物系我朝思暮想嘅独角兽~多谢~
哦~唔记得仲有中间串场嘅阿潘连宿舍众人~算你识做记得我都系今日生日！不过真系唔好意思啦，同你地撞时间，只可以过来串下场就走人，下次有机会一定补翻~
当然仲有连串信息祝福嘅各位~多谢你地嘅心意~我有记得咖~比较唔好意思嘅系今日手机一直处于关机状态……关键时刻无电我都无距办法……而家翻到屋企先有得开机……sorry啦各位~
最后就系阿光，我知道你系关心我，多谢晒你~我明咖~
宿舍的屌佬们，回来再跟你们疯，等着！阿鱼你地都系~
今个生日真系过得好意外，亦都好开心，因为有你地~最近低落嘅情绪都比你地赶走埋~
又大一岁啦，要好好地做人啦……要做嘅野始终都要做，责任系逃避唔到嘅……自己知道自己条路要点行嘅……
希望来年我可以生生性性，每日都过得开开心心~仲有希望大家都身体健康好似我一样笑口常开~
好眼训……希望听朝唔好起唔到身啦，假期最后一场球！
好，退场~多谢晒~