琴晚画完图之后，感觉个人好似晕晕地甘样，唉，可能太累了，睇阵小说放松下先啦，睇啊睇啊，到左九点几果时，更加晕了，去冲凉提下神先！冲完翻来，感觉好似有D发烧了，一直以来我都好少发烧的，所以我想，训下就会好的，于是就上左床，点知越训越冻甘样，个人越来越唔舒服，探下热，哦，原来真系开始发烧了，37度几，唔怕，无咩事的，再训下就会好，于是继续训，好冻~~~~到左11点，冻死我了。。。再探热，恩！非常好，已经38度了，太好了，于是食左粒退烧药，我继续训~~训啊训啊训啊，个人迷迷糊糊，1点果时，感觉非常怪，又热又冻的感觉，再探下热，哇，39度了，D退烧药无鬼用，于是百般无奈之下，只好起身着好衫去医院啦。
好彩，我住果度行过去医院，只系要两三分钟，行左下，个人都精神左D，不过医院真系热门，都半夜啦，仲好多人系里面，如果有人系度抢救紧，比人爆左头，听讲已经成个头里面好似涨糊甘样，真有趣。。。。等左半个钟，终于到我，D医生太厉害，我坐低，好似咩都无做过甘样，距就已经点左几下鼠标，开好左药了，正当我想开口比D意见同建议的时候，距已经话：你去比钱啦。我只好收翻我的意见同建议，问左个直接的问题：D药贵唔贵啊。还好，距仲会答我：唔贵，80几蚊左右。。。。比完钱，拿了药去打针，我发现里水医院D护士姐姐服务态度真系好，又诚实，距话我知，打果支针会好痛，叫我忍下，打果时晕就话距知，我以为距讲下笑，点知原来真系痛到啊妈都唔认得，系会有头晕的感觉，仲要打左好长时间，还好我已经晕晕地，无咩太大感觉，如果唔系，我一定大叫。。。。
打完支痛痛的针之后，我坐左五分钟，先回过神来，去准备吊针。。。D次，又体现出护士姐姐的热情服务，我只系问下距边度有杯，过左一阵，距就倒左杯水过来比我了，可能见我一个人去睇病，好可怜挂。。。跟住的事就系睇住D针水慢慢，慢慢甘滴落来，时不时我又调快下距，无聊+头晕的状态下坐左个钟，终于大功告成，可以翻得去训觉！！！
今日休左一个上午息，因为6点做完人肉闹钟后，我又训翻，一直训到9点几先醒，只好打电话请左假，感觉都系晕晕沉沉，衣家系办公室，好似又觉得月少少发烧甘样，都唔知咩事，唉，可能要星期六翻屋企好好休养下先得，如果再发烧，我都唔知点好，真系头痛。晕啊晕啊晕啊！！！下午提唔提早走好呢，想翻去训下觉，今日先星期四，仲有一日先可以翻屋企啊，真惨！
小饭饭已经上左一日半课了，琴晚因为太晕，距做作业，陪唔到距倾计，真伤心难过。。。好快距就可以翻来了，我继续晕下先....
页面更新：2024-03-07
