9个月的P仔发烧了

    2月11日，P仔九个月零一日，晚上十点半左右，P仔突然训训下狂哭，今次的哭声跟平时好唔同，抱住都系甘狂哭，个身好好热，肥仔即时罗野帮他探热，三十八度九，好热哦！点搞都系度狂哭，仲哭到将之前食的奶奶全部呕在我身上，又叫小肥睇下书发烧点解决，又发信息比阿珊同铭记，真系无知点做好，第一次发烧，真是唔知点做好，抱住他行来行去腾他，他无晒力甘趴在我身上，见到条友仔甘心都酸埋，最后我地都系静静地带P仔去医院（费事惊动两老，他们紧张大师到时又话跟埋来烦死）量下体温有三十九度，打左支屁股退烧针，即时就无甘热，番到家食包药退左小小，变成三十八度三，喂左奶就训左，不过训到点几又哭，无办法，他一直哭，所以就用背带背住腾他训，行来行去，终于训着左放他上床，在旁边睇住他，睇到我自已顶唔紧都训着左，第二天早上他训到八点几先起身，睇他烂起身个款都知他好番好多了，仲对住我笑笑口，爸爸即时量体温三十七度多点，无晒事了，安心晒！我的新年愿望系全家身体健康，特别系P仔快高长大,今个月检查条友先重个一斤,搞到比婆婆同姑婆见到他都话越养越瘦,不过高左1.5CM,现在有78CM了,医生话他好高,希望他越来越高,越来越大只