冬至---遇见车祸

        今日系冬至，所以谂住过完冬，听日先翻广州。因为唔想听日咁赶，所以下午搭公车翻屋企罗野。

        车开出无几耐，就系风华路转去火车站个条路嘅转弯角，我见到好多交警系个度，仲有警车，而且唔少人围观。我以为系D警察又趁住节日，截查D违章车辆，点知我谂错左。我隐约见到有块白布盖住左一个人。我即刻扭转头，真系唔想睇呢D场面。但系公车嘅人已经开始讨论呢件事，佢地话个人已经唔得啦。个个系开摩托车，跟住俾部货车撞到。

        我听到之后眼泪都出来啦。唔系惊，而系觉得个个人好惨，佢屋企人好惨。因为今日系冬至，佢要翻屋企食饭；因为今日系冬至，佢屋企人等佢翻去食饭。但系因为呢一场车祸，一切都变得无可能。

        今日系冬至，我以为呢一个会系一个令人人都觉得窝心嘅冬至，但系因为呢件事，某个家庭唔再可以完完整整咁样食一餐饭！真系好可怜，好可怜！！

        我自己都系开车噶，妈妈同我讲，“十次事故几次快”。依家开车我都唔敢开得咁快啦。唔顾住我自己，都要顾住宝宝！