今日小记

          琴日米讲话黑白仔唔见左嘅，但系听到佢嘅叫声。咁去操场个度搵又唔知佢系边喔。今早我好早翻来铺头，因为妈妈今日要去罗定。跟住妈妈入去小学操场个度搵（我要睇住爸爸同宝宝），但系搵唔到。8点半左右嘅时候，宝贝猪就搭左妈妈去桥西车场度搭车去罗定。

         宝贝猪今日都要出去安装，所以剩低我一个系度。我超级眼训，琴晚训得唔好，成日都挂住黑白仔唔知有无翻来。我就系张长凳个度训觉，谂住养足精神去搵猫。但系训得唔系好深，硬系觉得有猫叫，发梦都梦到佢。

         到11点几嘅时候，五舅母得闲，佢可以睇住爸爸同宝宝，于是我就又尝试同保安交涉睇下可唔可以入到学校。不过今日值班嘅保安叔叔真系公事公办，就算我点唉佢，佢都系咁铁石心肠。

         无办法，由于爬墙会比保安叔叔闹，应该系话会令佢好难做。于是我系围墙外面不断喵喵喵喵咁叫。真系有回应架，真系听到声架，但系猫影都无一只。有个搞基建嘅叔叔（学校操场搞紧基建）见到我呢两日都系度搵猫，咁佢都帮我搵左一D地方，但系都系听到声，唔见猫。（个叔叔真系好好人）。

         个叔叔话D声时左时右，会唔会跌左落下水道啊？哇，当时我听到个心一凉，唔系嘛，咁米更加棘手。跟住我一直喊（今日变左金鱼眼啦），觉得好无能为力，唔知可以做D咩。

          一直到6点，宝贝猪翻来，佢见到我一D心机都无，又成日喊，就二话不说，带我我去围墙个度，叫我叫下猫，等佢听下D声。我就叫，过左一阵，黑白仔又有回应啦（搵唔到佢嘅时候，我系铺头入面发呆，又唔敢叫佢，怕佢叫下叫下无力叫）。

           咁宝贝猪毅然爬过围墙，入去帮我搵。唉，我系出面好心急啊。佢好似发现左黑白仔真系系下水道个度。无办法，我都决定爬入去，宝贝猪就系入面接住我。

           原来个条下水道有个小洞，只蠢猫就系走左入个洞度，系下水道唔识得出来。真系蠢。无办法，依家话佢蠢无用，最紧要系救佢出来。过程就好难用文字来形容啦，不过真系好多谢宝贝猪同另一个搞基建嘅叔叔，个叔叔帮我窖起块水泥板，然后我地前后堵截黑白仔。可惜佢出左来之后跑得太快，跑去左操场某个角落。可能系惊魂未定。

           1个钟几前，黑白仔终于翻佐来啦。疯狂咁食野，然后依家训紧觉。

            PS：我发誓话今次搵翻佢嘅话我就成世唔食雪糕..........莫非.....真系......呃..........