返工时间系大马路拍戏,发神经!
2008年1月7日 星期一 天气:晴。
每逢星期一都固定会塞车,所以今日一早,比平时返工要提早出门,果然,车到环市路就循例塞住左系小北立交,所有返工既人都唔会因为呢个赛车而感到意外。因为通常都系塞15 20分钟就可以顺利通过樽口位。所以我依然听住歌,望住窗外既车龙,等待车辆慢慢向前爬。但当车系15分钟后依然停系同一个位置既时候,我开始感觉到有D唔妥,似乎同平时既塞车有D唔同。车上既人亦都开始烦躁起身,有D甚至叫司机开门落车。大半小时过去了,车终于慢慢爬到去区庄立交,望出窗外,见到区庄立交对开既大厦有几台消防车停系度,有好多消防员走来走去,大家都以为终于知道塞车真相了。
但今晚睇新闻先知道,原来区庄立交既消防车,原来系系度拍戏。排戏居然系繁忙既星期一既繁忙时间既繁忙既路段,搞到周边既路都大塞车,真系算“大制作”咯。距甘拍一拍,要全部返工既人都要迟一迟到,甘迟一迟到就比老细扣一扣钱,甘多路段甘多人迟到,D扣扣埋埋既工资加埋,睇来都唔细嘎,仲唔系“大制作”?简直“大整蛊”添啦。反到公司同老细讲,因为有人拍戏,所以你迟到,你估个老细信唔信你吖啦!
睇来呢部戏既制作人个脑有问题。吖,唔系,“个脑有问题”系对于有脑既人来讲既,呢个制作人,睇来都无脑嘎啦,所以唔可以用呢个结论!个结论系“睇来呢部系个制作人个脑赖低左系屋企”。甘会唔会好D呢?或者大家有咩好既结论,可以发表下嘎!!^_^!
页面更新:2024-05-12
标签:日志 网友日志 制作人 繁忙 消防车 结论 星期 窗外 平时 消防员 路段 烦躁 车上 真相 司机 今晚 车辆
1
2
3
4
5
上滑加载更多 ↓
所有内容加载完毕