2010.2.9

        琴晚食完饭，同宝贝猪去体育中心行花市。话说花市已经开左几日，但系由于天气唔好，所以前几日都无去，咁琴晚趁住天气咁好，就去睇下，顺便散下步咁。

        我地大概7点几去到，个时嘅人唔系好多，一去到，我就直奔厕所。我发现自从东门商业街开左之后，D摊档多左好多，卖野嘅品种都琳罗满目。嘻嘻，我最有兴趣嘅当然系D得意嘅野啦。琴晚收获左一把遮，嗯，应该系一把由外形睇唔出系遮嘅遮，仲有买左个炭包俾妈妈放系D被度。跟住路过买彩票个度，就顺手买左张5蚊噶，点知中左10蚊。我呢，当然系罗翻现金啦，因为我觉得如果我要多两张，应该唔会中架啦，好运唔会成日来噶嘛，都系罗翻钱实际D。

        不过琴晚行到好攰啊，兜左体育中心N个圈。

         听日终于10号啦，等左好耐噶花田喜事2010终于上画啦。嘻嘻，我张大地影迷卡又可以派上用场啦。期待期待~~