琴晚同宝贝猪去睇左花田喜事2010，好彩我地琴日中午个时去买左票，如果去到先买票就买唔到好位架啦，因为琴晚7点8个场几乎系爆满。系大地睇电影真系平，25蚊两个人，仲可以换张永久噶会员卡，原本我以为肇庆噶票价先会咁平，点知广州噶大地都系咁噶价，真系难明正佳贵成咁都有人去睇，嫌钱多，大地噶效果都好好啊！
讲翻正题先，呢部花田喜事2010，我觉得基本上就系为左喜剧而喜剧，无咩内容，纯粹系想人开心，不过我觉得真系好搞笑，嗯，呢个票价去睇都值得噶！印象最深刻就系黄百鸣同吴君如用rap对闹同古天乐一个打十个个场，简直系全场爆笑。
睇完电影，同宝贝猪上左沃尔玛买野食，真系好开心啊！不过宝贝猪年29就要翻广州啦，要到年初3先翻来，呢几日就唔可以陪我同宝宝啦！
PS：考虑紧去唔去睇72家租客。。。
页面更新：2024-04-03
