2011.01.18

        琴晚手机上3G睇到一则令人发指嘅新闻，就系北京某小区有12只流浪猫比人开膛杀死。我睇到标题，一开始真系唔敢点入去，因为我怕我忍唔住喊。

        犹豫左好耐，我都系点左入去，因为我想知道依家抓到个人渣未。但系一睇到张图，我真系忍唔住，系咁喊，宝贝猪一直咁系度安慰我。我真系唔明点解，点解会有D咁变态嘅人，点解喔，D猫猫咁可爱，点解可以落到手喔？

        我想像猫猫比个人渣开膛个时嘅痛苦，我真系谂过，如果比我抓到呢个人渣，如果唔系犯法，我真系想要佢试下比人开膛嘅滋味！

        天朝系保护动物法上面，制度唔健全，就算系抓到个人渣又点啊，拘留，坐监？无可能坐监啦，顶多米警告，唔通判佢死刑啊，依家佢杀嘅系流浪猫，唔系熊猫。法律好似根本就奈佢唔何咁。

        所以，我只有诅咒佢，钟意猫猫嘅人一齐诅咒佢！！！