2011-1-25

         第二日啦，黑白仔仲未翻来。唔通佢真系想变成一只真正嘅流浪猫，居无定所，三餐都无着落咩。天主，自从个次发誓话搵翻黑白仔我就唔食雪糕之后，我真系无破戒架，但系点解今次黑白仔会唔见架？

        我有信念架，我相信奇迹架，我望住个夹层，希望佢翻来架。好希望佢喵喵喵咁问我罗野食。我承认，我好纵佢，搞到佢肥到无晒颈。黑白仔同钰羲同一个月出世，依家10个几月啦，我知道，可能佢真系想自己出去闯下啦，毕竟佢系流浪猫。

        我唔知我系米好自私，但系我真系想一世都咁样纵佢，佢想几时食野，我就几时俾野佢食，我真系唔想佢自己出去闯荡。

        可能流浪猫嘅天性就系系一定嘅时间要离开你。好食好住嘅生活，可能真系唔适合佢地。

        依家天气咁冻，我怕佢会冻亲，饿个时会搵唔到野食。我唔想佢食人地食剩嘅野，佢食惯左新鲜嘅猫饭，猫鱼，好怕佢系出面唔习惯。

         希望在明天啊嘛，我一直会等你翻来架，黑白仔！