2011.2.23

        今日同钰羲一齐搭公车去保健院产检（呃..无人得闲睇住佢，无办法）。钰羲有得去街街，好兴奋啊，企系张凳上面一面望住外面，一面跳（当然，我系扶住佢架拉）。

        入去产检嘅时候，好彩胡医生帮我抱住钰羲，钰羲又系好乖噶，无扭计。

        今日检查当然都系一切正常啦，不过医生开左胎监我就做唔到啦，因为钰羲系度嘛。仲有1个星期就37周啦，医生话个时就足月，生嘅话就唔使入保温箱，要坚持啊，虽然晚上有时会阵痛。

         呢两日都系QQ音乐个度不断咁单曲循环，播《别看我是一只羊》，无办法啦，钰羲最钟意听呢首歌..

         孕妇相嘅光盘罗到手啦，其它仲未搞掂，不过我自己暂时都未睇到，因为台机嘅光驱坏左...所以叫我表弟带翻去帮我装入MP3度，今晚应该可以上传到上空间架拉，当然，系加密架拉，哈哈！！