比较嘅具体过程

        话说3月1号早上我仲系龙精虎猛，行动自如。个日早上我自己搭公车去保健院个度产检，胎监，顺便去天使买左罐细嘅美赞1段。今次系我有佐细宝宝以来第一次做胎监，当然都系一切正常啦，医生只系话一个星期翻来产检一次。

        跟住买完奶粉，我就坐公车翻铺头。跟住到下午4点左右，我斗紧地主，觉得个肚又开始痛（其实个个星期以来，都有痛），我又以为系假性宫缩，所以无理佢，点知今次痛嘅间隔比较有规律，大概系9分钟一次。我开始有D心理准备。个时铺头全部人都准备出去安装，到时就会留低我一个人系呢度睇铺。于是我叫某猪入来，叫佢一阵先出去，因为我开始肚痛，某猪好紧张，一直催住我话即刻去医院，我就话再等等，再等等先。

        点知都系持续咁痛落去，个时已经系5点钟，无办法，我同某猪讲，都系去医院啦。于是我地随便罗佐D野就去佐保健院。我直接罗住本产检簿上佐围产期，胡医生见到我，话直接帮我办入院，填佐入院卡之后，居然直接送我入待产房...我都未知发生咩事，因为之前钰羲个时我未试过住待产房，我就问入面嘅医生，不如等我出去病房等啦（我当时觉得无咁快生），医生话唔可以。

        我就系带佐台手机入去待产房，自己着嘅衫裤鞋袜全部俾某猪罗翻出去，换佐医院发嘅衫。系待产房大概40分钟（期间做佐个胎监...后悔啊，早知道早上唔做），医生帮我检查宫口，个时开佐4分啦，于是又送我过产房。

        我心谂，使唔使咁快啊，我仲未做好心理准备喔。话说今次嘅阵痛比生钰羲个时要轻D，所以上佐产床，我都照样系上Q，打电话，顺便写日志，分散下注意力咁啦。

        其实我个时最担心嘅系，细宝宝出来要训保温箱，因为个时仲差1日先到37周，比预产期提前佐23日。医生同我讲BB出来有可能训保温箱。

         过佐大概1个几钟，即系8点几个时，细宝宝出来啦。我第一时间问医生嘅唔系男仔女仔（大家唔好再问我啦，我之前无照过），系BB几重（因为唔够5斤要训保温箱），医生话6斤，51厘米长。我顿时松佐一口气啊！

         后来医生先比我睇男仔定系女仔，嗯，系仔仔来架。讲真架，仔仔女女都系无所谓，因为都系我辛辛苦苦生佢出来。

         医生抱出去比家属睇下性别，个时某猪，我妈妈同钰羲都过埋医院。钰羲第一时间睇到弟弟唔知系咩感觉呢？

         依家仔仔一个星期啦，好鬼大食啊。再过多几日，即系3月14号白色情人节又系钰羲1周岁生日，我地可以一家四口帮钰羲过生日啦！！