我真系...失败...

今晚同距见面,系同父母一齐食左餐好饱既晚饭之后,地点广医门口,去左附近新开果间蒙地卡罗.
好似好耐无见过面勒.大家既发型都有变,我之前几个星期去左转LOOK,花50大元(9折45)剪左个发,斯文左D,而距就剪到额前齐阴,话要行可爱路线,晕......
坐落之后,因为大家都食饱饭所以净系叫饮料同小食.然后开始吹水,学校,朋友,专业,就业情况,乜都讲,只系好默契甘唔会讲我地之间既事...
时间慢慢甘过,开始既时候旁边三张台都有人,然后慢慢甘三张台都走晒,再然后又有人埋黎坐~我记得我约距出黎既目的,但系我一直都开唔到口...重点只系要讲三个字,讲完,就开始(可能性?我都唔想打击自己...)或者结束,然后做翻普通朋友......我以为可以做到,但系次次都怯场,我系懦弱?无自信?定系其它?感觉好似变翻细过果时甘,系个怕丑既细路仔......
离开餐厅,送距去盘福搭车,有冲动想系距上车之前同距讲,仍然系失败...
从来未出口既三个字,真系好难出口......
好乱,唔知仲可以讲乜,要还翻部机比人打机,就此结束,希望下次可以......唉...