一个高级文学愤青噶自白．．．

我系一个奇怪噶家庭长大噶人，我有好高噶优越感，但系无独立噶人生观同埋价值观．我一直被包围系我噶家族入边．法国心理学家勒庞曾经说过，当一群人组成左一个社会噶单位或者群体噶话，佢地噶目标和价值取向就会就会暂时噶统一，个人噶目标和价值取向会暂时抛弃．．．我从小到大都系一个极度团结噶社会群体入边，从来都无自己噶目标和价值取向，只有家族噶目标同埋价值取向．
　　当我有机会暂时离开呢个群体果阵，我先发现呢个世界居然系甘黑暗噶．我讨厌做作，但系社会流行做作．我讨厌虚伪，但系所有人都系甘虚伪．所以我终于领悟到，我只系一个文学青年，一个高级文学愤青．我讨厌我自己，我讨厌现在．我只系相信未来．
　　江青曾经讲过，＂相信未来就是否定现在＂．我讨厌现在，我发现我同＂现在＂格格不入．我可以做噶，只有写低我想讲噶野，唔做任何保留，不存在任何做作噶成分．但系我写作噶同时，开始感受到绝望噶感觉．我知道绝望之后只会有两种可能，更深噶绝望同埋令人绝望噶希望．．．
　　呢个社会简直就系超低能，但系我唔想做劲搞笑果个．资源永远都系错位噶，唔应该存在噶野永远都存在，设立社会规则噶人永远唔使遵守，奶油永远都系最缺乏噶野．哎，最低能噶，我捻都系果个所谓噶＂中国特色＂啦．靓野系＂中国特色＂，衰野都系＂中国特色＂，我地一介草民永远都唔会知＂中国特色＂究竟系唔系好野，政府就系度玩文字游戏，我都知我俾人搵左十几年笨．
　　消极左十几年，点都要积极番一铺噶啦，但系应该点，我仲未捻到．就好似果个写埋Ｄ不知所谓噶野噶周树人甘＂彷徨＂．
　　系唔公平噶欠Ｆ噶社会入边，就要学识反抗．．．