又系一个奇怪的梦

近期比较小发梦,琴晚又发咗一个梦了,今次仲觉得好真实,梦倒一个久违的朋友，但系哩个朋友系我嘅记忆里面已经开始变得模糊，我开始唔记得佢个样了，不过系梦入面，佢俾我嘅感觉好真实同好清晰，我睇得好清楚佢个样，有阵时起身之后就会唔记得琴晚究竟发咗个咩梦，但系今次哩个梦我起身之后仲好有记忆就好似琴晚发生咗真实嘅事情，人哋话日有所思夜有所梦，但系我记忆入面开始模糊嘅人，我又点会去思佢吖？如果要解释点解会梦见佢，我唸应该系我心入面有D问题一直都好想问佢啦，系梦入面我就问咗了，所以先会估系哩个原因啦。问完之后佢俾我嘅答案，即系我觉得，又唔系我想要嘅，毕竟都系自己个梦，所以全部都系我自己嘅意识。感觉上发咗哩个梦觉得好对唔住我老婆猪，但我自己知道，我最爱嘅都会系我老婆，希望佢唔好介意啦。