狮子“阿杭”係动物界“Tony”？黑猩猩竟然钟意饮老火汤？谂唔到你係咁样嘅广州动物园

今日係

中华人民共和国成立73周年

我哋一齐祝福祖国生日快乐！

国庆假期第1日，

大家谂好点开启美好假期了吗？

市区入面嘅公园

广州动物园绝对係

最生猛嘅一个

提到广州动物园，

好多广州仔女嘅第一反应係：

“我细蚊仔嗰阵去过！”

呢个神奇嘅地方，

係广州人童年回忆嘅一部分。

前段时间，

因为齐刘海狮子“阿杭”、

饮老火汤嘅猩猩等趣闻，

呢个充满童年回忆嘅地方，

又被大小朋友们重新关注。

其实，

广州动物园一直都与时俱进，

係个时睇时新嘅宝藏景点嚟嘎！

趁住假期，

Color君带大家旧地重游下！

可爱新丁嚟报到

凶猛如老虎、狮子，

憨厚如犀牛、河马，

幼年时期嘅佢哋总係

可以轻松俘获男女老幼嘅芳心。

广州动物园喺近段时间

都增添咗唔少新成员啵~

中国本土物种界嘅川金丝猴，

同霸道嘅猕猴唔同，

白金色嘅毛发令佢哋

睇起身多咗一份温柔亲厚。

而园中两只新出世嘅

川金丝猴幼崽静处时乖巧可爱，

上树就即变“百厌星”，

时时刻刻都喺度探索世界，

一阵爬树桩，

一阵表演“倒挂金钩”，

你觉得天气热辣辣唔想喐？

但见到佢哋会顿时充满活力。

除咗金丝猴幼崽，

河马“冲冲”“泳泳”一家

也迎来了新成员，

佢哋仔仔“柒柒”先四个月大，

分量已经唔嘢少，

不过胆子小，见到生人好怕丑。

动物话咁快就会大个噶啦，

想睇可爱动物幼崽，

就记得抓紧时间嗱嗱声出发啦。

互动多多乐趣多

好多人会觉得去到动物园

斋得个“睇”字，

趣味性好有限。

为咗保护动物、游客

以及物种之间嘅底线，

广州动物园也并不鼓励

人与动物有身体接触。

咁有咩办法“破冰”呢？

为咗吸引更多游客

去了解野生动物嘅魅力，

动物园都谂咗好多计仔噶，

生鬼嘅互动打卡装置

就係其中一样法宝。

宜家除咗可以一睹

“洗剪吹界网红”

白狮阿杭嘅“芳容”。

喺园中仲可以喺

“发型狮”装置合照留影，

留低最型格嘅打卡记忆。

在不同的角落里，

3D画、动物雕塑、涂鸦等

打卡位真系俾我哋唔少惊喜。

最受欢迎嘅动物互动项目，

仲係喂长颈鹿。

你可以感受到长颈鹿嘅鼻息，

吹动你手上嘅汗毛，

近距离观察佢哋嘅灵活舌头，

仲可以见到长颈鹿为咗美食

“争风吃醋”嘅有趣场景。

为咗长颈鹿嘅健康着想，

呢个喂食项目

每日都係限时限量开放，

去之前记得提前做功课，

费事摸门钉啵。

动物身世有段古

在广州动物园里，

每一只动物都有独特魅力，

值得你去了解。

例如早前刷爆朋友圈嘅

“内环鹿”係点回事？

原来动物园运送嘅长颈鹿标本，

生前係园中长颈鹿群嘅King海朗，

现在安放园内科普长廊里面。

马来熊怕老婆？

但又敢同“二奶”生仔，

狐獴“奥莉”为权力争斗而断尾、

残缺却依然能成为“女王”……

多啲了解野生动物，

就会发现多啲精彩故事，

动物园里简直处处有宝藏。

Color也发现到，

呢几年动物园

仲策划咗好多特色活动，

想令更多人认识到

生物多样性嘅重要，

希望大家从了解到喜爱，

慢慢生出保护动物的决心。

唔係得珍稀动物先值得去保护，

每一个野生动物

都係我哋珍贵嘅地球邻居，

咪等到快失去，先开始珍惜。

//Color提醒

///

NOCITCE

虽然广州动物园开放时间係8:00-18:00，不过好似华南虎、大象这种猛兽类动物，会在每天16:30左右吃晚饭，晚饭后就好少会出来走动，所以想见佢哋，就唔好太迟入场啦！

你的假期第一日係如何度过嘅？

欢迎留言同大家分享下吖~

MORE

今日娱乐看点

2022国庆档新片总票房破亿

假期第一日，

2022国庆档新片总票房已经破亿！

目前《万里归途》票房领跑，

《钢铁意志》《平凡英雄》

紧随其后，

边一部新片让你最心水？

张杰献唱“江河奔腾看中国”

由中国青年报出品嘅

“江河奔腾看中国”主题MV

《奔腾》今日上线！

歌曲由青年歌手张杰献唱，

MV用声画词曲串联起

好山好水好风光的大美中国。

+

+

张智霖袁咏仪补办婚礼

《披荆斩棘》三公舞台，

张智霖为老婆袁咏仪

举办一场迟来的婚礼，

更有多位靓仔“哥哥”

组史上最豪华伴郎团，

简直係放闪嘅“天花板”~

资料来源：694期《可乐生活》

海报设计：黄蕾

编辑：陈祉伶

审核：曾敏妍

签发：骆苹

*文中图片版权归原作者所有，

如涉及侵权请联系，立即删除

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方微信号：靓仔可乐君（handsomecolor）