陸詩韻自嘲「中女」搵對象有要求，不相信網上情緣：我容易俾人呃

陸詩韻今日（11/8）現身電視城出席《2025香港小姐競選》分享會。對於早前拍片公開擇偶條件，大肚腩冇頭髮比她矮都可接受，惹起網上熱議。

陸詩韻接受《香港01》訪問時表示：「我係收到好請纓嘅人，本身我自己係好少留意啲人嘅留言，但我留意到有啲我覺得係玩吓嘅男士留言。其實本身我Ready，始終緣份未到，好多人都話，叫我唔好咁揀擇，但其實唔係好多嘢係我去揀，係緣份到未呢？同埋去到我呢啲年紀，叫做中女，始終都有一啲嘅要求，咁所以都好正常，咁所以全部都係講緣份。」

陸詩韻不相信網上情緣。（陳順禎攝）

被問到收到多少追求者訊息？陸詩韻笑言：「其實我係冇數過，但我相信係一啲好支持我嘅粉絲，（有冇同啱嘅網友對話？）咁又冇，可能我個膽比較細，我好少喺網上識朋友，因為我好容易俾人呃，變咗我好驚網上情緣，咁所以網上嘅騙案係呃唔到我，我係唔會上當。（會否考慮小鮮肉？）我唔會，因為本身我有個細佬，唔想好似照顧細佬咁，所以唔會考慮。」

陸詩韻今日出席《2025香港小姐競選》分享會。（陳順禎攝）