众星为《星耀紫荆庆回归》晚会彩排 萧正楠未能摆脱曹永廉感苦恼

《星耀紫荆庆回归》将于7月1号晚21点在翡翠台播出。当日有份参与演出的萧正楠、张振朗、姚子羚、刘佩玥(Moon)就一起彩排，虽然四位以演戏为主，不过他们都系唱得之人，阿Moon刚刚和胡鸿钧、吴业坤在云顶开完演唱会，而振朗和子羚好快就会在广州开音乐会，阿Moon演出完都还在好兴奋中，话留下好深刻嘅回忆，在旁的阿萧和振朗，还忍唔住大赞阿Moon歌喉好，搞到阿Moon都有的唔好意思。而歌唱比赛出身的振朗，嚟紧开show都可以话一圆歌手梦，至于他和阿萧边个出道先？振朗就急急强调他和阿萧其实仲有段距离。

萧正楠

张振朗

而阿萧亦会继续拍着好兄弟曹永廉开唱，不过阿萧就好似有的唔情愿，事关他话经常想摆脱阿廉自己solo，可惜次次都未能成事，阿萧仲讲笑话前世欠了他今世要还。讲到阿廉队Hey Brother好忙，阿萧就抵死话，因为阿廉自己一个开唔到show，所以要周围找人帮手，子羚更忍唔住插嘴，话可以整返个合唱团，转数快的阿萧即刻爆咗句「万千星辉贺永廉」，真系笑死全场。无论工作上或私底下，他们两兄弟感情都好好，阿萧话阿廉都有嚟探萧哈哈，但系他就严禁阿廉入房，只可以隔住个玻璃门给他望一眼，鬼马的振朗即刻报名话要嚟探萧哈哈，仲话会自带玻璃添。

刘佩玥

姚子羚和刘佩玥

同样有份演出的姚焯菲、詹天文、张驰豪同林智乐就会合唱《这个家》，Aska仲话会准备定舞蹈演出添。Chantel、Windy同Yumi嚟紧会去广州开音乐会，她们预告歌单一定会带比大家新鲜感，不过开骚前Windy仲有完成埋考试，先可以真正放暑假，Windy话呢个考试都几有难度，所以佢都话有唔少压力呀。

张驰豪、詹天文、姚焯菲及林智乐。