叶蒨文发千字文剖白首担港姐司仪 网民质疑冇多谢曾展望

叶蒨文发千字文剖白首担港姐司仪 网民质疑冇多谢曾展望 本尊6字解画意外放闪

叶蒨文（Sophie）2016年参选港姐，虽最终30强止步，但仍获TVB签约，凭处境剧《爱·回家之开心速递》饰演“岛大女神”Candy一角成功入屋。

最近叶蒨文又因《女神配对计划》人气高涨，她与曾展望（GM）这对全民热话CP圈粉无数，两人日前（8月31日）更被委以重任，担任《2025香港小姐竞选决赛》的司仪，当晚以一袭露肩晚装优雅亮相的叶蒨文，出场即成为焦点，表现也可圈可点。原来今次是叶蒨文首次主持大骚Live，意义非凡。日前（3日）叶蒨文在社交网贴出多张晚装靓相，并发布“千字文”记录心路历程。

她表示感恩获提携，得到一个既宝贵又难忘的机会，能够以司仪身份重返港姐的舞台，充满惊喜。她亦感谢师姐麦美恩（Mayanne）、大师兄钱嘉乐等人的暖心鼓励，安抚她紧张的心情。全文如下：

今年香港小姐嘅口号係“成就无限可能”

入行差不多10年

基本上都係拍剧

综艺我都好少拍

何况係主持同司仪？

结果一有机会就上大骚做live

对于我自己嚟讲真係好疯狂

当年港姐30强止步没得企喺呢个舞台

谂都冇谂过今年2025年可以以司仪嘅身份企喺度

我见证到咩叫无限可能

所以我想多谢公司比一个咁宝贵又难忘嘅机会我

正式决赛嘅三日前我第一次踩台

我记得我企在度呆咗

我唔知原来司仪做live同时间要处理咁多嘢

我连工作人员在机器隔离做嘅手势我都并不完全明白

我哋拍剧惯咗唔望机器

我都唔係太熟悉点样去控制视线

係幕后嘅工作人员好有耐性逐样教我

比cue 我、陪我学习

我想多谢佢

跟住想多谢Mayanne 师姐、大师兄同埋祥师兄

我完全唔太了解香港小姐嘅流程

司仪係如何配合令到当晚非常顺利？

有啲咩係一定要做？有啲咩係千祈唔好做？

每一个环节，如果加时同减时点样handle?

总之所有嘅准备功夫

佢哋几位前辈可以提点我嘅都比尽咗我！

出场前不断鼓励我

又安抚我紧张嘅小心脏

谢谢几位前辈

最后多谢曾生信任

竟然够胆用我这个冇做过主持同大骚嘅人

一嚟就负责一个本年度咁大嘅节目

仲要唔係试一part

而係担任四位主持嘅其中一位

喺我前一晚踩台嘅时候仲好质疑自己

但係你嘅态度依然从容不迫

就係呢段时间嘅信任

更加令到我唔想辜负一班咁优秀团队

所以我真係竭尽所能

谢谢你

作为第一次做大show司仪我当然有好多进步空间

但係我都想俾啲鼓励自己同自己讲一句: 好叻女呀你！你嚟紧都要keep住进步啊知道吗？！

今次呢一个体验真係好难忘

企喺呢个舞台上

我想起九年前初入行嘅时候

读艺训班嘅时候写咗封信俾自己

喺入面我同自己讲勿忘初心

今日我可以同自己讲我仍然都係当初嘅我

而原来坚持不懈 永不放弃

终有一日真係可以“成就无限可能”

最后祝福今届所有港姐佳丽

亦都祝福所有同我一样努力追梦嘅人

前程似锦！❤️

+1

大家纷纷留言激讚叶蒨文的造型靓爆镜之馀，不少人亦为其打气：“好犀利呀Sophie”、“要相信你自己係得㗎”。不过，有细心网民指“感谢名单”似乎遗漏了一位：“点解没有感谢另外一位曾先生？因为不用公开感谢私下随时感谢”竟然获得本尊亲回：“其他人唔知之后会唔会有机会见到呀麻，我成日GM工作，随时讲都得啦”

此外，有网民又捕捉到叶蒨文于曾展望帖文下的留言：“多谢你呀，好拍档！ 你真係记性好好，口才好叻，又有幽默！ 继续加油！”，“CP粉”直呼甜到漏：“你地两个都叻叻啊，又闪盲我”。