胡杏兒拒多談「擁抱者」老公：佢男女都會攬

胡杏兒為了這套晚裝而狂keep弗。（葉志明攝）

胡杏兒老公李乘德日前「回歸」夜店，賀好友洪天明及周家蔚推出自家品牌，期間被指非常規矩，與同場的女士保持距離，似乎不想再做「擁抱者」。胡杏兒今晚（1日） 出席時裝活動時，被問到老公「回歸」夜店，她表示是正常社交，又叫大家不要再問。「佢都係做返自己，男嘅朋友會攬，女嘅又會攬，大家唔需要太驚訝。（會唔會同你講聲？）唔會，唔需要，佢一直以來都會話我知去邊，其實我本身都要去，但因為今晚套衫，真係要以最佳狀態見大家。」

胡杏兒又指之前同老公以細仔去泰國，飲飲食食難免增磅，而早前一家大細去馬爾代夫，原來亦有影「福利照」，但她嫌身材未夠弗，所以暫時未分享。

王丹妮為了新戲剪了一頭短髮。（葉志明攝）

同場仲有沈月。（葉志明攝）