吳卓羲做訪問談及「山寨吳卓羲」竟突然爆粗，事後急忙補鑊解釋

吳卓羲昨日現身金鐘出席投資分享會，對於近日澳門一間網紅牛雜店，有網民發現一位「山寨吳卓羲」，與他相似度達95%，有不少網民第一眼都認錯的事，吳卓羲接受《香港01》訪問時笑言：「其實識我嘅人都知嗰個唔係我嚟，因為我唔食牛。（唔食牛都可以賣牛雜！）唔得㗎，唔會做呢啲嘢，因為得係信佛。（有冇睇過張相？）有睇過，真係似，係戴咗口罩嘅時候，我睇側面係好似。」

吳卓羲都覺得「山寨吳卓羲」與自己十分相似。（陳順禎攝）

澳門牛雜店驚現「山寨吳卓羲」。（小紅書圖片）

吳卓羲續說：「我阿姨打畀我問嗰個人係唔係你嚟？係咪拍緊戲？我話似，但唔係我。其實我都費事睬佢，本身佢X知嗰個人唔係我嚟。」不慎爆粗說了「佢X知」，即引起在場記者嘩然，吳卓羲急忙說：「佢實知呀，實呀，你係咪好傳媒嚟架。」