恭喜！37岁TVB力捧小生突然宣布求婚成功

恭喜晒！何廣沛求婚成功！今日（08/8）何廣沛在instagram宣布，求婚成功！分享一張在沙灘上與女友牽手的畫面，也寫上：「She said YES！相信一見鍾情的浪漫嗎，而你卻讓我領悟到「未見鍾情」的存在。還記得那張不太清晰 但讓我深深吸引着的照片嗎？從相遇、相識、相約、相戀、相處、相愛，共同經歷的一切，隨著時間的推移，身份也期待着變化。My best friend, soulmate and the love of my life.」十分之浪漫！

何廣沛求婚成功！（IG圖片）

其實何廣沛於早年認識未婚妻時，關係已十分穩定。他曾表示不想太高調而不會經常放閃，但在訪問中每每談到與女朋友的感情，都總會不經意露出甜絲絲的表情。去年中秋節受訪時，他已「暗示」過另一半是完美女友：「因為最近識咗好多朋友，身邊都有好多小朋友，全部都幾歲大，我希望可以同佢哋一齊玩吓燈籠。細個有呢個習慣，但係都幾廿年冇玩過，冇理由30幾歲玩燈籠，如果同啲小朋友玩，一齊追月，個感覺就會好啲。」他也表示，女朋友已經見過家長，而家長們就表示「無嘢可以挑剔」。在中秋節，何廣沛也會和她一齊過。

何廣沛和佘詩曼演出《新聞女王》時有不少床戲。（微博圖片）

何廣沛透露年尾還有《新聞女王2》開拍。（葉志明攝）

為什麼會覺得何廣沛「忽然結婚」？除因為他對於拍拖一事頗為低調外，其實他與女朋友亦只拍拖了兩年時間。2023年他在專訪中就曾提及感情關係，表明因為想保護另一半，所以選擇低調：「佢係圈外關係，我亦唔能夠講太多，呢個都係對佢嘅尊重，所以我又唔想講太多佢。我覺得係半公開狀態，身邊朋友都已經知情，甚至公司同事都已經見過晒。你冇問我咪冇講囉。我會保護佢，我覺得人生去到呢個階段。」

何廣沛為人真係幾低調。（資料圖片）

講到對女朋友的印象，其實明眼人都會發覺何廣沛十分喜愛她，而且訪問當時他已似有與另一半一生一世的打算。「搵到一個人事無大小都講，或者feel free去講，我覺得溝通好緊要，冇溝通係唔良好嘅事。我覺得可以同佢feel free去溝通係令我最安心嘅事，同佢講嘢係好舒服，好放鬆，人與人之間相處係要試過，有時有啲人講完會有hard-feeling。我同佢之間係冇隔膜。」他更表示，愛女朋友，因為在她面前可以十分放鬆，做回真實的自己。

邊個做主動？「官方答案」一定係男仔做主動。（梁碧玲　攝）

講到結婚話題，他就有以下回答：「我覺得一定會朝住呢個目標，愈嚟愈近，但係明確目標就冇。我唔會講到咁死，但係愈嚟愈想同埋愈嚟愈接近，但係話幾時，哈，可能40歲之前，因為我覺得40歲好似真係好大。」

何廣沛以Whatsapp回覆：「多謝大家對我哋嘅祝福！呢一刻嘅心情都仲係非常之興奮同埋緊張！婚禮詳情暫時仲未開始諗，如果有進一步消息會再同大家講！再一次多謝大家嘅祝福。」