港姐冠軍陳詠詩火辣照惹關注 李尹嫣：呢世都唔會影呢啲相

今屆港姐「最上鏡小姐」李尹嫣今日（9/9）現身沙田出席珠寶品牌活動。對於今屆港姐冠軍陳詠詩火辣照流出引起網上熱討，有不少網民認為影響港姐形象，但亦有網民力撐絕顯新時代女性美。

李尹嫣自認保守派。（吳子生攝）

李尹嫣接受《香港01》訪問時表示：「其實好多人都叫我哋新時代女性，同埋我哋今年港姐口號都係成就無限可能，而佢自己影啲相，佢覺得冇問題，我哋都覺得都冇問題。不過如果係我，我諗呢世都唔會影呢啲相，可能本身自己比較怕羞，因為我係保守派。（可能你有影冇擺出嚟！）哈哈，咁你要睇吓搵唔揾到。（如果你真係有影呢啲相，夠唔夠膽擺出嚟？）我諗我真係唔會，而我都有同屋企人講笑，而我屋企都講呢一世都唔會再見到我會再擺3點式號相，只能喺港姐呢度先揾到。（媽咪俾唔俾你Po性感相？）媽咪好支持我，由得我自己發展。」

港姐「最上鏡小姐」李尹嫣。（吳子生攝）