尽力,已经足够
好耐无写过日记了,系唔想写,定系唔想留低太多记忆,自己都唔知.最近其实过得还可以啦,上班就上班,厌倦的情绪亦少左,落班之后就系宿舍睇电视或者上网,过得清闲又有D无聊.不过亦有烦恼,就系今年合同期满了,唔知接落来应该点做,系继续系度得过且过,定系应该比D勇气自己,去适应另外一种生活,实在难以取舍.或者应该稳多个人商量,听下家人的意见,但唔知点解,我又好怕同巨地讲,实在系唔想要巨地担心.自己都已经禁大了,非但唔可以为巨地分忧,仲要巨地为我担心,我实在心痛.其实我亦都知道宜家既社会压力好大,要想稳份满意的工系好难,但系要我一世上三班,我实在无法忍受,况且过多几年,广钢既去留已成定局,唔通真系学人话斋,为左挪番唔知有几多的遣散费而苦苦等待咩?到时三十几岁再来落岗,境况又将会系点?实在唔敢想像.或者人生就系敢样,问题会不断出现,然后人就会系解决问题的过程中成长,或者会变得更加成熟,有魅力,或者会变得更加苍桑,消极,但无可避免既一个问题就系,无论咩问题都要自己去承受,去解决,唔可以假手他人,一世都啉住靠人,就算自己想,亦都唔会有敢样既人存在.人细个,就想长大,长大之后 又想变番细个,人点解会禁矛盾呢?人类学系一门非常复杂但有意思的学科,要想解释一切人类问题,唔系一朝一夕既事情,亦轮唔到我地哩D凡夫俗子去理会.只系知道,有问题就尽力去解决而已,尽力,已经足够!
页面更新:2024-04-07
标签:日志 网友日志 遣散费 担心 人类 合同期 凡夫俗子 得过且过 境况 定局 学人 去留 清闲 消极 一朝 学科 想像
1
2
3
4
5
上滑加载更多 ↓
所有内容加载完毕