生日结束啦~终于搞掂啦~
公司8周年点解会同自己生日系同一日噶~!28-29号起颐和山庄(白云药厂再上)开会兼新药上市,公司8周年庆典,可怜~~你地一定以为正啦,但我唔系去玩噶,系做野,仲系全包套餐个种~
从星期三到星期日做野做到11点后先返到屋企~先系要寄发票,之后就系准备公司噶庆典~生日先黎行16楼,拿我命算啦!行无问题,着住高跟鞋行,兼只脚已经痛到唔可以赤脚行路程度,脱左脚就着唔返个种
28号个晚搞到29号零辰1点先有车接我地出同和,起五羊新城再各自去打的~返到屋企1点差唔多2点啦~!依几日成日打的~仲要好似无得报销~当晚心情超复杂~!哭左~~~555555555555555我地着住对高跟鞋企足全日~~平时都唔着高跟鞋,今次仲唔着返够~!简直就是折磨!痛到着唔返对鞋,又肿又痛又抽筋!坐低左就唔想企起身~D客户11点先到酒店~真系好想讲你地系唔系痴线噶!老细真系谂得高明,员工变接待生,我地搞到好专业,我2年前都有甘样兼职过,不过我同上司讲我无做过接待客人~!呵
不过我地真系有好多野都想得唔全面,所以出左好多问题~!突发事件,连房都无得俾客入住,够拿命啦~!呵~~~不过最开心系识左好多人~学到点组织依D大型噶会议~晚宴~~有D客人以为我地着住依D甘丑噶裙(好似老土噶啤酒妹甘)系兼职,其实我地系员工吖~,距地居然话我地个个都系靓女,好似专门请人甘,呵~~~我地公司D女又真系好多靓女噶~包括自己~~哈~开始变自大啦~讲笑姐~其实自己好丑~仲生暗疮~!可能辛苦得制我居然第二日就生暗疮~只脚眼对上仲生水泡,不过可能对鞋D毛毛问题,又可能系之前吃得多酸辣粉,不过系好味,酸~~好正~不过依家就痒到晕~又唔可以搞距~29号我着左对NIKE冬天休闲鞋,呵~我真系着唔到高跟鞋啦,所以无上去颁发奖~其它人见到我着成甘都话怪~着裙着波鞋,不过真系偏黑色兼皮,算皮鞋啦~呵~~~ 我地就好似酒店服务生兼接待员,带客人入房间,我是签到处的,简真就无停过~!而且我地本来有六个人,变左得返3个人接300个客,死啦~做死我地咩,唔知系我地系新人所以唔识偷鸡,得闲返乡下练下偷鸡先得,真系想死~!好彩后未我阿头稳返距地出黎,吵左一窝~仲有就是做阿头噶位就真系辛苦死,我都无乜好埋怨~!我就一点走,距就2-3点先走得~依家仲去陪客去潮州兼厦门药交会,返黎仲唔系干尸一样!
我依家学识好噶,可以讲,觉得唔好噶野就吞进肚里,唔可以直说.唔想讲错野,不过有时觉得自己好似拍马屁,但事实自己无甘谂过 但效果就好似系擦鞋
PS发觉自己唔够班做销售,起晚宴个阵连碰杯都唔识稳位~不过后未个几围都识得稳位企啦~呵~见到公司两大美女,一个我上司,一个行政,都系四川人,真系又高,五官都好正,皮服就真系无得讲,又识讲野,又识逗人 !甜甜噶感觉,想学,但我唔想行依种线路
页面更新:2024-03-17
标签:日志 网友日志 高跟鞋 公司 暗疮 波鞋 客人 晚宴 靓女 上司 庆典 兼职 潮州 辛苦 周年 员工 生日
1
2
3
4
5
上滑加载更多 ↓
所有内容加载完毕