锻炼

今日朝早，六点几就起身，成个一临学院集队，去跑步。我地区队有条死佬着短衫短裤加托鞋，响度騰騰震。我地集合都等左一下，佢就一直震。佢宿舍既人叫佢“捱”佬，即系我地平时讲既唠佬，跟住成班人都叫去“捱”佬。集合齐人后就开始跑，我想跑快少少，个只着到青BB既肥TIN系甘拉住我，叫我跑慢D，初头就慢慢地，同佢跑。跑到操场，以为要入去锻炼，点知前面D人仲继续跑，甘我地米继续跑啰。呢次我就唔理只死肥TIN自己用自己舒服既速度来跑，跑得几舒服，仲追到前面一D人先。兜佐一圈后，翻到集合既地方。其实算系兜左半个校园，甚至仲少过半个校园。最后都几索气，喉咙仲好似有少少血既味，不过跑完真系好舒服啊！！以前话要每日跑几多几多千米，最后都无坚持到。唉……希望每个星期都可以跑下。