夜生活

呢两晚,我都系两点钟之后先训.第二日依然要七点几就起身.今日训晏觉,下午无课,一训就训到三点八.即系我个人训得唔够啦.前晚两点钟训,系因为校园网响1:00-8:00就唔计流量,我想下部电影睇下,所以就等到一点,但系最后因为稳唔到合适既网址,下载速度太慢,所以无下,之后就下佐几个APE文件来听下.其实我部蓝魔RM970既音质真系太好啦,开佐个微软音效之后,播MP3同埋APE都差唔多,所以无损音轨对我来讲作用唔大,自己下载来听,都系因为过下瘾姐.寻晚搞到甘夜,系因为自己边做英语作业,边上Q同人倾计.写一个英文句子,就同人倾句话,整到效率极低.最后作业都仲系无做晒,系今朝去课室度做既.不过英语老师昂哥唔系检查我做既作业,系检查我无做既作业,系从课文中稳出长句,自己再模仿造一个句子.有几个同学做得几好,有得加分.寻晚下佐五月天既<后青春期的诗>,呢张专辑,自己在空间好耐之前就推荐过,自己都无去下,人地肯定无几个人去下啦.可能之前无咩听五月天既歌,我觉得距地把声好陌生,自己既兴趣唔系好大.我觉得都系唔好搞到太夜,不过有时自己上网,上Q,时间会过得好快,12点1点2点都唔知......