今日系我事隔一年之后的又一次发飙，上年在中国银行办理左个网银，点知番到屋企台电脑度用唔到，打电话去服务热线，竟然话我呢样未开通个样又未开通，要再去柜台办理过，个次系我有史以来第一次甘样发飙，柜台个工作员竟然仲叫我唔好甘大声，话会录音，最后叫左个行长来同我解决问题。
其实我本人来讲真系唔中意甘样发飙法，你叫我闹人，我真系唔识点闹法，但系有时唔发火真系唔好当我系hello kitty．上年系广发行一个经理的劝说下开左一张信用卡，我都话我唔用信用卡架喇，距同我讲话开左唔激活就无事，甘林住平时都有业务上的来往，就帮距开左一张。点知事情就甘发生。
系前两日我竟然收到一条广发行发来的短信叫我交85元的年费，个种心情真系 情愿系条街度跌左85蚊都无甘嬲啊，简直系欺骗消费者在前，无理收费在后啊！！！！！今日打电话比客服问个究竟，真系咩大话都讲得出，竟然话我在一年前已经激活左张卡，我死都唔认，跟住又话再查一下，两天之后再比个答复我，点知就刚刚个客服打番电话比我，原来大话都系真唔怕讲第二次的，话查过系统资料，言之凿凿甘同我讲于2009年12月28号下午15：20打过办公室电话比我，同我确认过张卡的信息，之后就会寄密码信比我，言下之意，甘样的方式就是被默认开卡了，真系佛都有火啊，叫距比份证据我听，距又话无，问距点解确定电话那个一定系我，又讲唔出。问点解唔打我手机，又应唔到，点知距仲比左个方案我，叫我先交年费，跟住用张卡消费500蚊就帮我申请免年费，真系咩道理啊，我自己的钱，仲要我交比距之后再向距申请要回来？！！！
最后距讲左一句最有意义的话“甘你系唔系一定要消卡吖”，一定系！而且系唔补交年费的情况下消卡！！！！“甘好的，在４个工作日内帮你消卡”！！！！
希望事情到这里能真系结束，唔好再留Ｄ咩手尾比我，今日既心情真系跌宕起伏啊，要装出一种好气愤的语气出来先有人信架，况且今日闹人真系闹得好辛苦，仲好紧张添，讲野都讲到口齿不清，闹人真系一门活技术来啊！！！
信用卡既祸害平时真系听唔少，今次第一次领略到距带比我既麻烦。其实我唔介意帮别人开卡完成任务，但系会有甘多苏州屎留低既，真系以后都唔制啊！！！！
页面更新：2024-02-20
