～迷茫～

     作为准高三嘅我地，早就已经比人认为系高三啦，其实真系好无奈！不过迟早都要噶啦！！不过最无奈嘅都系啊D亲戚都好似认为我剩系需要读书就够，一知道我翻左屋企就问我，学校放假啊？唉！！
     衣家学校捉得好紧，特别系我地班，日日朝早6 50就要翻班读历史，夜晚又赶住翻班度开始我地嘅晚修，仲有我地几乎日日都要比班主任教训一餐，好似尼D甘嘅生活已经系“家常便饭”甘。日日“三点式”嘅生活另自己好似反而分唔清方向，迷茫
      衣家几乎科科都已经进入第一轮复习，资料日日都满天飞，多到个个都没晒意见。我地会讲笑甘讲，起石中读书读历史系最抵嘅，因为历史用学校嘅油印费最多！^_^望住甘多卷真系好迷茫，究竟应该做边科先呢，而每一科应该用几多时间呢？衣家我觉得时间系永远唔够噶，而且自己每一日定嘅计划都未必可以完成，跟住加重左第二日任务啦，我D野就系甘一日一日，少少、少少甘累积，真系好迷茫究竟几时先可以将所有嘅事做完！
      因为刚刚考完07年高考，所以尼轮高考卷变成左我地嘅“常客”，不过我觉得都几难，特别系D历史啊，个成绩真系令人大跌眼镜啊，真系有史以来最令人失望，最令我迷茫嘅一次，我都起度怀疑我自己究竟学左差唔多两年历史所吸收嘅知识有几多，而我嘅能力又系唔系有限到甘嘅程度。如果我到时考成甘点算啊？？真系唔知自己嘅将来何去何从，迷茫
       妈咪成日都话我唔够勤力，可能同初三比真系差好远，但我衣家对“勤”尼个字好似没么概念，究竟点样嘅程度先为之“勤”呢？系唔系个种成日都埋头苦读，除左书本其它么都唔掂，一步都唔出家门，一个月都唔翻一次屋企，有咩集体活动都唔参加…尼D先叫做“勤”啊！迷茫 可能系挂，不过我真系做唔到，我怕我到时会自蔽啊！不过我系要适当甘调整自己，尽量将自己变翻初三个个我啦！ミ _ ミ（不过一讲翻初三又有D觉得“往事不堪回首”）
       衣家一出去同人地吃饭，只要人地知道我就快上高三，首先会问我选咩科，跟住就会问我林住考咩大学，考咩专业，第日向做么…其实我自己都唔清楚，我根本就好迷茫，都唔知将自己定位起边好！关于尼D问题衣家唔林住啦，到时“船到桥头自然直”噶啦！
       我林尼D迷茫起高三毕业之后就会全部解决噶啦！但我怕会有更多不同嘅迷茫等住我！一笑已经风云过！