迷惘
今日搭車經過以前高中星期六好多時去嘎地方,見到好多學生哥食晏啦、逛街街啦,好開心啊。
唔知點解,睇到距地我就霖翻起高中嘎生活。一難得到咗星期六,我、菲、廖小姐就會把握機會周圍逛(有時嘉慧、寶晶、囉囉仲會JOIN埋我地添,好熱鬧咖)我地會去到好遠食中午果餐,又順便行下越富、屈臣咁,雖然次次都好"meng"先翻到學校,但係我地都經已好滿足。
以前我成日想快D高考完,但係如果而家比多一次機會我揀,我真係好希望翻到高二啊,儘管結果依然無變,我都係考唔到我想去嘎學校。或者果陣學習好艱苦、功課多到做極都做唔完,上嘎課亦都無完結嘎一日,再加上上課要忍住唔訓教喔,好攞命咖。生活雖然係咁,但係我地過得好開心,好充實,平時你蟄我一句,我蟄翻你一句咁,嘻嘻哈哈就過咗一日。而加霖翻依D瑣碎事,原來開心就係咁簡單。
上咗大學之後,生活變得十分得閑,一有時間就會霖去邊度逛街、唱K咁,每日都要計劃定聽日嘎活動、聽日嘎安排,時間過得毫無意義亦LOST THE MEANINGFUL OF MY LIFE!我好想自己可以好似以前咁開心,但係真係做唔翻果個我。突然覺得個世界好陌生,對於出便嘎環境同人都好迷惘,唔識面對。
可能人真係要等失去咗之後先學會珍惜啦,而家時光唔可能倒流,我只可以憑住記憶,將果份值得回憶嘎日子留係心內,好好回味。
页面更新:2024-03-11
标签:日志 网友日志 星期 高中 能人 迷惘 同人 中午 陌生 珍惜 小姐 日子 今日 地方 世界
1
2
3
4
5
上滑加载更多 ↓
所有内容加载完毕