開口中!
琴日下晝同沙沙去整手機,最弊一樣是佢仲要無保修的,沙沙將部機俾個服務小姐并講:“呃……我部機成日SI機,同埋佢不停咁自己開機關機,啊!仲有佢有時仲check唔到張卡添。”跟住個服務員問佢有無保修之類,之後同佢講,叫佢等二十分鐘報價。跟住沙沙仲問我借咗臺小E用。同沙沙坐咗陣,我就髪UP瘋咁同佢講:“一陣呢嗰個女的同你講:‘沙*夏(人名省略)……沙*夏……呃……先生你部機主板有問題喔,呃……要200蚊的脩理費啊!唔該!’”跟住佢對住我大叫“作SI啊你!”過咗唔知幾耐,嗰個服務員就真是叫佢喇!佢就一支箭咁過咗去,我就慢慢咁行過去,就系呢個期間,我聽到個條友對沙沙講“你主板有問題喔……”就呢句。我就唸:正!俾我UP中咗!我過到去,沙沙遞咗張單俾我睇,我睇到上面冩住“殘(死)機,…………(我唔記得咗),主板,CPU”“220元”,跟住我同佢講米整喇,買過臺喇!之後同佢走出咗間嘢,我就同佢講:“正!俾我講中咗!真是開口中添!睇嚟要去買彩票喇!”沙沙又對我講“你SI嘎!!”……
页面更新:2024-03-04
标签:日志 网友日志 主板 我部 人名 口中 彩票 小姐
1
2
3
4
5
上滑加载更多 ↓
所有内容加载完毕